eeli, lizumizya fumbwa naba uuli muntu ulyiimikilide naakuti uuyimikilila bamwi bantu naakuti uuyimikilila kamwi kabunga katakoznyi kwiinka akalikke kunkuta yaConstitutional Court, kuti bantu baliboobo biinke kunkuta eeyi bakajane lugwasyo. Muntu uunga wayinka kunkuta eeyi ngooyo uubwene kuti cheelelo/zyeelelo zyakwe zijanika muChaandano 4 (Mukkama Lyazyeelelo Zyaampandamunsaka) zyatyolwa naakuti zyaamba kutyolwa. Inkuta eeyi ilakonzya kugwasizya mbuuli mbukweelede.  Muntu ulakonzya kabiyo kukumbila mu Betesi kuti atole kaambo kakwe kunkuta yaConstitutional Court kuti kali wabona kuti cheelelo/zyeelelo zyakwe zyaampandamunsaka zyatyolwa naakuti zyaamba kutyolwa. Mu Betesi waNkuta weelede wazumina kutola kaambo aako kunkuta eeyi yaajulu. Pesi kuti mu Betesi wabona kuti chikumbizyo eecho tacheelede pe kuyoosika kunkuta yaajulu, ulakonzya kukakila sikukumbila kuti kaambo kakwe kakasike kunkuta yaajulu.  Kubawo kwaNkamu Zilyiimvwilidi (Independent Commissions) njiimwi nzila yakubona kuti zyeelelo zyaampandamunsaka zyazuzikizigwa ikapati iNkamu yaZyeelelo Zyabantu muZimbabwe (Zimbabwe Human Rights Commission) a Nkamu yakweelanisigwa kwabanakazi abaalumi muZimbabwe (Gender Commission). Inkamu Zilyiimvwilidi eezi zikonzya kupokoola kuyanduulisisya kuti eezyo zyamang’alwa nzyanchobeni na aatala akutyolwa kwazyeelelo zyabantu pesi Nkamu zilyiimvwilidi tazikonzyi kupa zisubulo zili mbuuli zyankuta yamulawu. 22