kwanyika, zyabuvubi, zyabukkale bwabantu, azyatunsiyansiya. Woonse muntu ulacheelelo chakutasaluulwa pe abamwi kwiinda muzintu zisiyenesiyene mbuuli bunanyika bwakwe, mubala wachikumba chakwe, mulaka wakwe, musyobo wakwe, nkombyo yakwe, kabunga kazyanyika nkanjide, tunsiyansiya twakwe, nkwazwa kubusena, bwanakazi/bwaalumi bwakwe, bulema bwakwe, minyaka yakwe, kuba aada kwakwe, mayeeyelo aakwe, nzila njaakazyalwa aayo, azimwi zintu zinga zilapa kuti muntu asaluulwe. Fulumende weelede kupanga milawu iiwamba kuti bantu kweelede bajatwe bweelene mubuumi. Weelede kuchita zintu zikwabilila akusungwaazya bantu batakwe nguzu zyakulikwabilila mubuumi nkaambo kabubumbwe amaponeno aabo abamwi bantu. Eezi kuti zyachitwa takunooli kwategwa nkusaluula pe nkaambo nkuyanda kugwasya bantu bakadyamizigwa. Cheelelo chakuba aansiswa Cheelelo eechi chibikkikizya zitobela:  kutanjilwa kwalubuwa lwako, muunzi wako, n’anda yako kakutakwe mvumo pe;  kutasechwa kwamubili wako, n’anda yako, alubono lwako kakutakwe mvumo pe;  kutanyeegwa lubono lwako zitali mumulawu;  kutanjililwa muzyaambo zyako nzuwambuula aaluwayile, aanjobolamakani mumagwalo aako awumwi muntu katakwe mvumo;  kubbulula bwiime bwamalwazi aamuntu we mwini katayandi kuti zizibikane abamwi bantu. Kwaangunuka kwakuswaanana, kulyidilana akubungana abamwi bantu Woonse muntu ulacheelelo chakubungana, kulyidilana akuswaanana aabamwi bantu mbayanda. Kabiyo muntu ulacheelelo chakusala kutayanda kuswaanana, 8