kulyidilana antoomwe akubungana aabantu mbatayandi mwini. Muntu takweelede kuti waangilwa pe kuti abe umwi wakabunga nkatayandi naakuti anjile mumiswaangano njatayandi. Kwaangunuka kwamuntu kuti atongawuke antoomwe akulemba aansi zintu zyamuchima Woonse muntu ulacheelelo chakutongawuka akung’ung’una aawo mpaajatwa bubi akutondeezya kutabotelwa kwakwe kwiinda mukuzilemba aapepa eezyo nzyatayandi mpawo pepa walipa baabo bakonzya kuzizyotolola. Pesi kutongawuka akung’ung’una ooku kweelede kwachitwa muluumuno. Kwaangunuka mulizyakulibeteka kulilyamoyo Woonse muntu ulaangunukide kuti alilye moyo antoomwe akulibeteka mwini, eezi zijatikizya kwaangunuka kwamuntu kuti awambe mbayeeya, maboneno aakwe, kukomba zintu nzyayanda/Leza ngwayanda aantanganana naakuti munsiswa. Taakwe muntu uunga ulaangilwa kuchita chikonke chiteendelani aankombyo yakwe pe. Bazyali antoomwe abaabo bazyali balelede bana bateensi babo balacheelelo chakugwasizya mwana nzyeelede kukomba akuchita mubuumi . Pesi eezi tazyeelede kukazyania pe acheelelo chamwana kuti ajane lwiiyo, lukwabililo, zyakusilikwa abukkale bubotu. Basinkombyo balakonzya kuyaka mayake aawo mpubatanoochitile nkombyo zyabo. Ngwangunuko yakwaambuula akumwaya twaambo/milumbe Woonse muntu ulacheelelo chakwaangunuka kuti ambuule nzyayanda, eezi zibikkikizya zeezi:  kwaangunuka kwamuntu kuti ayanduule, atambule akumwaya mizeezo ayimwi milumbe;  kwaangunuka kupanga zikozyanisyo, kuchita mfunkululo, antoomwe akulumba zintu zyalwiiyo muntu kaangunukide 9