kkumi lilamusanu atutatu (18 years). Kwiinda muKkata Lyamulawu waZimbabwe bantu bamuZimbabwe balacheelelo: • chakupanga akunjila mutubunga twakweendelezya nyika amutubunga tuliwo; • kukombelezya bantu muluumuno kuti bavootele kabunga nkuyanda • kunjila mumabambe azyakweendelezya nyika aasiyenesiyene. Woonse munaZimbabwe uujisi minyaka iisika akwiinda kkumi lilamusanu atutatu (18 years) ulacheelelo chakuvoota antoomwe kuyanda kuvootelwa kuti ajane chuuno chabuzuluzi nchayanda. Munzila yakusungwaazya kuvula kwatubunga twakweendelezya nyika , kweelede kwapangwa mulawu uupa kuti fulumenfe ape mali tubunga twazyakweendelezya nyika. Cheelelo chakweendelezegwa kwazyabululami Woonse muntu ulacheeleleo chakweendelezegwa kwazyabululami munzila iilimumulawu amububalangale. Woonse muntu ulacheelelo chakwaambilwa kufwambaana kwiinda mumalembe aatala akunyonganisigwa kwameendelezezyo aazyabululami. Cheelelo chakubetekwa zizwide Woonse muntu watamizigwa mulandu ulacheelelo chakubetekwa zizwide munzila iilaantanganana kabiyo kiibalangala muchiindi chifwiifwi munkunta yamulawu yabwini. Woonse muntu ulacheelelo chakwiinka kunkuta zyalubeta kabiyo alisalile lwakwe simulawu utamwiiminine munkuta yamulawu. Zyeelelo zyabantu batamizigwa mulandu  Woonse muntu watamizigwa mulandu ulazyeelelo zinji zimwi nzeezi:  kubonwa katakwe mulandu domane nkuta yamujana 13