kalaamulandu kwiinda mulubeta;  kwaambilwa achakufwambaana mulandu ngwaawangilwa muntu;  kupegwa chiindi chinji kuti muntu alibambile zyaambo zyakuloolisakwida munkuta yalubeta;  cheelelo chakuyanduula simulawu uunga ulamwiimikilila munkuta yamulawu kamubbadala lwakwe sikwiimikililwa;  cheelelo chakuti fulumende ayandwiide sikusunda simulawu uunga ulamwiimikilila munkuta yalubeta kabbadalwa afulumende;  cheelelo chakubetekwa mumulaka ngwamvwa kabotu sikusunda;  cheelelo chakubawo nabetekwa muntu peepe kubetekwa kutawo;  kweeta bukamboni munkuta yamulawu busakwida nzwaamba kabiyo acheelelo chakukazya bukamboni bweetwa aawumwi ukutamizya mulandu;  kutansika mulandu wako kunkuta yaajulu kuti teewakkutikana achisubulo nchuwapegwa;  cheelelo chakuti mulandu wako ulangwelangwe ankuta yaajulu;  cheelelo chakukasya bukamboni bweetwa munkuta nkaambo nzila njibwakajanwa aayo yakatyola zyeelelo zyaampandamunsaka.  cheelelo chakutabetekwa mulandu wakatali mulandu kusaanguna;  cheelelo chakutabetekelwa mulandu wakali walekwa naakuti wajanika kutaakwaawo.  Cheelelo chakupegwa malembe alaatala akubetekwa kwako muchiindi chifwiifwi nilwamana lubeta. Kweelede wabbadala mali inche zwayo kuti uwapegwe malembe aaya . Zyeelelo zyaatala alubono Woonse muntu ulacheelelo chakuula lubono ndwayanda, kubamba lubono, kuuzya lubono, kupa bamwi bantu lubono lwakwe, kujatisya bamwi bantu lubono lwakwe. Zyoonse eezi zikonzya kuchitwa muntu kalaalikke naakuti kabali mukabunga. Woonse muntu ulacheelelo chakutanyeegwa lubono lwakwe adomane wanyeegwa 14