akulangwalangwa zyabwiime bwamibili yabo. Eezi zibikkikizya cheelelo chakugwasigwa muli zyakutumbukwa kwabana. Woonse muntu uupona kachiswa bulwazi butola chiindi ulaacheelelo chakujana lugwasyo lwakusilikwa zyabulwazi bwakwe. Taakwe muntu uunga ulakasigwa kusilikwa muchiindi naanjila muntenda nikuba kuli chili chibbadela. Fulumende weelede kuchita zyoonse nzyakonzya kuti zyeelelo eezi zizuzikizigwe kuti kaziliwo zibelesyo. Cheelelo chakujana chakulya antoomwe ameenda Woonse muntu ulacheelelo chakujana maanzi antoomwe achakulya zitakwe malwazi. Fulumende weelede kupanga milawu azimwi zintu zinga zilapa kuti cheelelo eechi chizuzikizigwe kuti kaziliwo zibelesyo. . Zyeelelo zyamakwatane Woonse muntu ulaaminyaka ilaajulu kwakkumi amusanu aminyaka yotatwe (18 years) ulacheelelo chakukwata/kukwatwa mpawo atalike kuyaka muunzi wakwe. Taakwe muntu uunga ulaangilwa kukwatana aamuntu ngwatayandi pe lwakwe. Baalumi/Banakazi tabakonzyi kukwatana aabalikke. Bupanduluzi bwiindilide bwazimwi zyeelelo Chibeela eechi muKkata Lyamulawu wanyika chipa bupanduluzi bwiindilide aatala azimwi zyeelelo antoomwe angwangunuko kuchitila kuti bantu bazimvwisisisye kabotu akuzitobelezya. Zyeelelo zyabanakazi • Banakazi bajisi bulemu bwachiimo chamuntu buzwide mbuuli mbwalaabo 17