kwiinda mumulawu. Aawo muntu mpanyeegwa lubono lwakwe mweini lubono weelede kwaambilwa aatala akunyeegwa kakuchili chiindi chiingi kabiyo wabbadalwa aawo mpukweelede kuti abbadalwe. Aabo bayanda kutola lubono lwamuntu beelede kukumbila nkuta kuti ibape manguzu akutola lubono lwamuntu ooyo. Kuti bapegwa mvumo eeyo beelede kutola lubono oolo mukati kamazuba aali makumi otatwe (30 days). Muntu ulaalubono luyanda kutolwa ulacheelelo chakukasya kutolwa kwalubono lwakwe kwiinda mukukumbila nkuta kuti imugwasizye kutatolwa kwalubono lwakwe antoomwe akulilalila kumuliyo ngwaapegwa abasikumubbadala. Pesi cheelelo eechi chijana buyumuyumu muzyaambo zilangene azyakutolwa kwamyuunda/mafamu mbuuli mbukupandulwidwe aansi. Cheelelo chakujana busena bwakulima Fulumende ulakonzya kutola nyika yakulima kuzwa kubalimi kayanda kukkazika bantu bayanda busena bwakukkala anyika yakulima, kayanda kubambulula mabelesezyo aanyika, kubyala minsamu antoomwe akubamba zituzyungulukide naakuti kuyanda kulonzya bantu bakakkale kumbi. Kuti nyika eeyo yatolwa afulumende ngayaba nyika yafulumende. Taakwe kubbadalwa pe kumuntu watolelwa nyika yakwe yakulima kwiinda munzila yaambidwe muKkata Lyamulawu. Pesi muntu ulakonzya kubbadalilwa lusumpuko ndwaakachita aanyika njaatolelwa. Kubbadala balimi bakatolelwa myuunda yakulima afulumende mukuli wanyika yamakuwa yakabeetede ikapati Britain. Zyeelelo zyazituzyungulukide Woonse muntu ulacheelelo: • chakukkala mubusena buteeti malwazi • chakukwabilila zituzyungulukide kuchitila kuti mazyalane aalino awajuunza agwasikane kuzintu zituzyungulukide. 15