chizuminano naakuti cheene pe. Eezi zyaamba kuti taakwe muntu uunga ulasungwa pe nkaambo kakuti wakachilwa kuliya chikwelete. Zyeelelo zyabaange naakuti balimuchitookesi Zyeelelo zyabo bantu aaba nzeezi: • kwaambilwa mulandu ngubasunda/ngubaangilwa; • cheelelo chakwiimininwa aSimulawu munkuta yalubeta; • kutaangilwa kuzumina mulandu ngwaakatasunda; • kwaambilwa zyeelelo zyabo chiindi chakwaangwa; • ulacheelelo chakuumuna kwaambuula chiindi nuwasungwa; • kwaambila nzubo zyako kuti waangwa; • kutatolelwa kwaangunuka kwako; • kutongawuka nzila njibakwaanga aayo kuti kiitali mumulawu; • kulemekwa akutasonsegwa kuti kuli mumaboko aamapulisa naakuti mujele. Kabiyo muntu woonse waangwa weelede kutolegwa kunkuta achakufwambaana mukati kachiindi chitiindi mawola ali makumi aane alaamusanu aatatu (48hrs). Eezi tazikwe kuti muntu waangwa kumamanino aamviki kiinjila mumugibelo, nsondo naakuti mubuzuba bwakulyookezya. Muntu watatolwa kunkuta mukati kachiindi chamawola aasika makumi aane alaamusanu aatatu weelede wagwisigwa muchitookesi nkaambo mulawu mbuuwamba. Cheelelo chakujatwa aabulemu Muntu woonse uzyedwe kajisi bulemu mubuumi bwakwe boonse kabiyo cheelelo chakulemeka bulemu bwamuntu cheelede kukwabililwa akutatyolwa. Cheelelo eechi chisimatizigwa kapati muKkata Lyamulawu wanyika. Tachili cheelelo chijanika kachilisantide luzutu pe muchibeela 51 pesi nchiichimwi chazeezyo zijanika mubwaalo bwakkata lyamulawu wanyika muchaandano 3. Mbuuli mbukwaambwa kale 6