Nakambe:  fanelo ya swa ku teka mahungo yi kona. Vateki va mahungo a va bohiwi eku va boxa lomu va makumako.  Swa ku haxa mahungo swa kheseliwa kambe swi fanela kuva na tipapilo ta swona.  Swi humesako mahungo swa fumo a swi fanelangi ku sekela bandla lihi swa lona. Kambe vatekiva mahungo va tshutshekile ku humesa mahungo lawa va ma lavako ku suka ka vanhu vohambanahambana hambi a hambanako na ma vonele a fumo.  fanelo yaku vulavula leswi u lavako a yi endli eku u xanisa van’wani kumbe kuva venga kumbe ku dlaya xiyimo ya mun’wani munhu. Fihlo ya van’wani vanhu yi fanela ku hloniphiwa. Makumele ya mahungo Mun’wani ni mun’wani mutshami wa tiko ra Zimbabwe u na fanelo yaku kuma mahungo ku suka ka fumo. Tifanelo leti hambi tikambani tina tonavo. Vanhu hikwavo vane tifanelo ta ku vutisa fumo kumbe ku ndzawulo u yimelelako fumo ku lulamisa timhaka ti vulavuliwako hehleni ka vona loko ti ngahi ta tiyiso. Kufaneli kuri na nawu lowu u bohako eku kuva na tifanelo leti. Nawu lowu wa kota ku sivelela ku kuma mahungo hehleni ka swilo swi kota ku karhata xitshungu. Kusivelela loko ku fanela ku endleliwa eku vanhu va hanya kahle. Swa lirhimi na tumbuluko Mun’wani ni mun’wani munhu u na fanelo yaku vulavula lirhimi leli lavako na ku endla swa tumbuluko wa yena kambe a swi faneli ku endleliwa eku dlaya tifanelo ta van’wani leti ti nga ka Nongonoko wa Milawu. Nongonoko wa Milawu weri kuna tindzimi ti rhinganako khume na tseu ti hlanganisako:Xichewa, Xingizi, Xibarwe, Xikalanga, Xikoisan, Xinambiya, Xindau, Xindebele, Xichangana, Xishona, Xisotho, Xitonga, Xitswana, Xivenda, Xixhosa na ku vulavula ka swi kombiso(sign Language). Fanelo yaku hlawula tirho lowu u lavako Mun’wani ni mun’wani munhu u na hlawulo yaku endla tirho lowu a lavako. Matirhele a kota ku vuliwa hi nawu. 7