Kabiyo:  Ngwangunuko yabasimumwaya milumbe/twaambo azimwi nzila zyakwaambuzyania azilazyo zyeelelo zyabo zilakwabililwa. Basimutola twaambo tabeelede pe kwaangilwa kuti babbongonone bantu bakabaambila twaambo ntubakamwaya kuluundu/ ntubakalemba mumapepatwaambo.  Maanda aasikapepele aamwaya milumbe alakonzya kupangwa kakutakwe chikachizya pesi ayelede kutobelezya milawu yakujana mvumo yakutaanguna kubeleka .  Basikumwaya twaambo babelekela fulumende tabeelede pe kutola mabazu mulizyatubunga twazyanyika. Beelede kuchita mulimu wabo mbuuli mbubawubona kakweelede nikuba kuti mayeeyelo aabo anoli akazyania amizeezo yafulumende, tazikwe ndaba.  Ngwangunuko zyakulyambwiida antoomwe akumwaya milumbe atwaambo takweelede pe kuti zyabanzila zyakusungwaazya lupyopyongano, kulwanisya akuchisa bantu. Kabiyo takweelede pe kuti basimutola twaambo kabanjilila nsiswa zyabantu kabatapedwe mvumo. Kujana zyaluzibo antoomwe amilumbe Woonse munaZimbabwe naakuti wakapegwa mvumo yakubeleka kakkede muZimbabwe ulacheelelo chakujana luzibo antoomwe amilumbe zibambidwe afulumende aawo luzibo oolo mpulweelede kubelesegwa kutondeezya bulewusi bwafulumende kwiinda munchito zyakwe fulumende. Cheelelo eechi chilabelesegwa atubunga tuli mbuuli makkampani ang’anda zimwaya milumbe azilazyo kuti zyeelede kujana luzibo luyandikana. Kabiyo woonse muntu ulacheelelo chakujana luzibo/ milumbe iibambidwe aawumwi muntu antoomwe afulumende aawo luzibo oolo mpuluyandikana kubelesegwa mukukwabilila cheelelo chabamwi bantu. Boonse bantu beelede kubuzya fulumende, mitabi yafulumende antoomwe 10