antoomwe akunjila mukabunga kakapangwa kale kalaatala akwiimininwa kwabablesi aamilimu yabo.  Woonse muntu, (basilumamba, aanze kwabaabo tuswiilizyabavwiya babeleka milimu amapulisa), yakukwabilila ulacheelelo nyika chakutongawuka aatala amabelekelo aakwe kuti taajatwa kabotu aamulimu. Eezi zijatikizya cheelelo chakutakata mulimu akukkala mubelekelwa kabatabeleki pe bantu. Pesi mulawu ulakonzya kukasya bamwi babelesi bachita imwi milimu yakuvuna buumi bwabantu kuti tabeelede pe kutakata milimu.  Banakazi abaalumi bajisi zyeelelo zikozyania kabiyo beelede bafola mali iiyelene nibabeleka milimu iikozyania.  Banakazi beelede kupegwa mazuba akuya kukulyookezya nichasika chiindi chakuyanda kutumbuka kuli baabo banooli balaada. Bulamfu bwachiindi eechi nchibeelede kupegwa busika kumyeezi iitatu. Ngwangunuko yakweendeenda akukkala munyika Woonse muntu ulacheelelo chakunjila muZimbabwe akutagwisigwa kuzwa muZimbabwe kabiyo acheelelo chakujana Pasipoti antoomwe awamwi mapepa azyakweenzya. Woonse muntu munaZimbabwe awoonse ooyo wakanjila munyika yaZimbabwe zili mumulawu ulacheelelo chakwendeenda kaangunukide fumbwa nkwayanda kuya munyika, akukkala fumbwa nkwaayanda munyika antoomwe akubbuda munyika nichiba chili chiindi nchaayanda. Zyeelelo zyameendelezyo aanyika Woonse munaZimbabwe ulacheelelo: • chakunjila munsaluuzyo zyakusala bazuluzi zichitwa mukubalangala kazichitwa chiindi nizyeelede kuchitwa kakutobelezegwa mulawu wanyika; • chakusala zeezyo nzyayanda aatala ameendelezyo aanyika • chakusala munsiswa antoomwe akuyanda kuvootelwa kuti wasisya minyaka 12