Fulumende weelede kupanga milawu azimwi zinga: • zilapa kuti takubi kubisigwa kwamaanzi, muuya antoomwe anyika munzila njizitabeleseki; • zilasungwaazya kukwabilila akuyobolola zituzyungulukide • zilasimatizya bwiime bwazituzyungulukide antoomwe amabelesezyo mabotu aazintu zyakaanzwa aSikabumba kuchitila kuti bantu basumpuke mubukkale bwabo. Fulumende weelede kuchita zimwi zinga zilapa kuti zyeelelo eezi zitatyolwi. Ngwangunuko yakutayandogwisigwa achanguzu kutayandi Taakwe muntu uunga ulalonzegwa aamuunzi wakwe naakuti amwayilwe muunzi wakwe kakutakwe mvumo iizwa kunkuta yamulawu itanooli yapegwa mvumo kakuli kwalangwalangwa bulingolingo boonse buyandikana kulangisisigwa. Cheelelo chakujana lwiiyo Woonse munaZimbabwe abaabo bakapegwa mvumo yakuchita kakkalila muZimbabwe bajisi cheelelo: • chakujana lwiiyo lwakumatalikilo kalubbadalilwa aFulumende. Eezi zibikkikizya lwiiyo lwabantu bakakomena. • Chakwiiya kuya kunembo kwiinda mukugwasigwa afulumende kakubelesegwa milawu azimwi zinga zilachitwa. Fulumende weelede kuchita kuti kube kuuba kujana lwiiyo munyika Woonse muntu ulacheelelo chakupanga zikolo zilyiimvwilidi pesi zikolo eezi tazyeelede kusaluula bantu pe kwiinda munzila zisiyenesiyene zyaambidwe muKkata Lyamulawu wanyika. Fulumende weelede kuchita zyoonse nzyakonzya kuti cheelelo eechi chizuzikizigwe. Cheelelo chakujana kusilikwa muzibbadela Woonse munaZimbabwe antoomwe abaabo bakapegwa mvumo yakuchita kakkalila muZimbabwe bajisi cheelelo chakujana mpubanga balasilikwa malwazi 16