akujatwa kweelede.. Muzintu zyoonse zilaangene abaana, eezyo nzyanda mwana nzizyo zitobelwa. Bana beelede kukwabililwa kapati ankuta zyamulawu ikapati nkuta ya High Court. Zyeelelo zyabantu bakachembaala Woonse muntu ulaaminyaka iisika kumakumi musanu awabili (70 years) ulacheelelo chakujana: • lugwasyo nilucheya luzwa kulifulumende antoomwe akuzwakumpuli yakwe; • lugwasyo lwazyakusilikwa kaluzwa kulifulumende • lugwasyo lwamali luzwa kulifulumende. Fulumende weelede kuchita zyoonse nzyakonzya kuti zyeelelo eezi zizuzikizigwe kuti kaziliwo zibelesyo. Zyeelelo zyabantu balemene Fulumende weelede kuchita nzyanga ulachita, kuti zibelesyo kaziliwo, kugwasya bantu balemene kuti bajane nzibayanda akubelesya luzibo ndubalaalo antoomwe azipego zyabo mubuumi bwabo. Nzyeelede kuchita fulumende zijatikizya:  kubagwasizya kuti bakonzye kulichitila milimu iinga ilabapa mali;  kubagwasizya kuti bakkale aampuli zyabo antoomwe akuti babe aachakuchita muzintu zyiingi zichitikana mubukkale bwampuli zyabo azyakulikondelezya kwab o;  kubakwabilila kuzwa kukusonsegwa akujatwa buzike abamwi bantu;  kubagwasya kuti bajane kusilikwa kumalwazi aamubili antoomwe akubakkazika mayeeyelo aabo  kubagwasizya zikolo zinga zilabapa lwiiyo;  kubagwasizya kuti bajane lugwasyo lwakuyiisigwa afulumende. 19