Zyeelelo zyabantu bakalwana nkondo yalwaangunuko Bantu bakalwana nkondo yalwaangunuko mbaabo bakalwana munkondo, bakagwasizya munkondo munzila zisiyenesiyene naakuti bakaangidwe kwachiindi chilamfu kabaangilwa zyanyika muchiindi niyakali kulwanwa nkondo yalwaangunnuko. Bantu aaba beelede kuzibikana kuti bakalwana nkondo yalwaangunuko antoomwe akupegwa bulemu bweelede. Nkaako beelede kuchitilwa zintu zili mbuuli kupegwa mali yakubelesya yabantu bakaleka kubeleka akujana kusilikwa nibachiswa. Ipalyamenti yeelede kupanga mulawu upandulula kuti banoozijana biyeni zyoonse eezi. 4. Sena eezi zyeelelo zyaampandamunsaka kuli chiindi na mpuzyeelede kulekwa kuzuzikizigwa? Kkata Lyamulawu wanyika pya lijisi zibeela ziche zikachizya kuzuzikizigwa kwazyeelelo zyaampandamunsaka ngibati ma ‘claw back clauses’ kwiinda muKkata Lyamulawu wansiku lyakajisi zibeela zyiingi zyakali kukachizya mabelekelo azyeelelo zyaampandamunsaka. Ma ‘claw back clauses’ nzibeela zijanika mumulawu zikachizya kuti zyeelelo zizuzikizigwe mbuuli mbukweelede. Minchali eeyi njibati ma ‘claw back clauses’ ipandulula zyiindi mpuziteelede kubeleka zyeelelo zyaampandamunsaka. Chibeela chijisi ma‘claw back clauses’ zimwi zintu zinji zyeelede kulangisisigwa akuti nga chipandulula nchobeni zyeelelo zyaampandamunsaka zileelede na kukachizigwa kubeleka ibiyo aawo nikunga bulumbu bwanjila mubuyumuyumu kuti zyazuzikizigwa. Pesi nikuba boobo, zimwi zyeelelo tazikonzyi kukachizigwa mbuuli cheelelo chakupona (domane muntu naapegwa chisubulo chalufu ankuta yalubeta), cheelelo chakulemeka bulemu bwamuntu, cheelelo chakutasonsegwa naakuti kujatwa buzike munzila iisampula, cheelelo chakutaangilwa kubeleka antoomwe acheelelo chakujana mweenya wakubetekwa uuzwide. 20