kwamafungiro avanhu vane huwandu hwakada kuenzana hachisi chiratidzo
chokuti sarudzo haina kufamba zvakanaka. Zvinotoratidza kuti sarudzo
yabudirira. Izvi zvinotipa mukana wokuti titarise zvamatongerwo enyika
nameso matsva, tigone kushanda pamwechete, tichiwirirana nokutaurirana
zvine njere noungwaru, tichiremekedza maonero avamwe akasiyana needu.
Maitiro akadai anogona kutizarurira musuwo unotipinza muZimbabwe
itsva. Zvisinei nezvichabuda musarudzo ino, matongerwo eZimbabwe
matsva achada mushandira pamwe tisingatarisi mutungamiri mumwechete
kana vaviri voga, zvisinei nokuti vanoonekwa savanogona chaizvo kana kuti
vanokwezva vanhu zvakanyanya. Asi panotoda kuchengetedzwa
nokukosheswa kwemuono wegutsa ruzhinji, nokuva namatongerwo enyika
anochengetedza runyararo, rugare, chokwadi noruenzaniso kuvanhu vose.
[8] Naizvozvo tinokukurudzirai kuti musangotarisa sarudzo iyi chete,
kunyange zvayo yakakosha zvikuru. Ngatitarisisei mberi tione kuti tinoda
Zimbabwe yakaita sei. Chikuru chaicho pokupedzisira ndechokuti hatisi
kusarudza hurumende iyi kana iyo, asi kuti tiri kusarudza nyika
yamangwana yatinoda kuzvigadzirira isu navana vedu.
Nokudaro zvakanaka kuti titarisezve Chikamu Chechitatu (Section 3
“Vision and Values") chegwaro rinonzi "The Zimbabwe We Want: Towards a
National Vision for Zimbabwe", rakaburitswa muna September 2006
neEvangelical Fellowship of Zimbabwe, Zimbabwe Council of Churches
pamwechete nesu. Takanyora tichiti: "Kana pasina anotungamira rudzi
runoputsikira pasi (Tsumo 11:14). Zimbabwe inoda muono mutsva
unotidzorera kuvimba nezvatiri, chiremera netariro.”
Mugwaro iri vamiriri vaVatungamiri veChiKristu vomuZimbabwe vakapa
pfungwa dzavo pamusoro peZimbabwe yatinoda vachiti:
Muono wedu ndewenyika inozvimiririra yoga, ine utongi hwegutsa
ruzhinji hunoonekwa namatongero akanaka huri muhurumende
namapazi ayo ose uye nomumaitiro ayo.
Muono wedu seZimbabwe Catholic Bishops Conference (ZCBC)
ndewevanhu veZimbabwe vakayananiswa, vanogara upenyu
hwokuwirirana, hune ruenzaniso norugare, munyika inobudirira iine
6