Mutungamiri wenyika ari kushanda zvakasimba kuti tiwane mari yekunze
kwenyika yaanoona ichidiwa "kuti zvoupfumi hwenyika zvitange kushanda
zvakanaka zvakare". Zvakadaro hazvo, pane vamwe vari kutsoropodza
shanduko iri kuitika iyi vachiti haitevedzeri Bumbiro roMutemo wenyika,
zvikuru pakuti pokutanga mauto akapindira uye ari kuramba ari mune
zvematongerwo enyika. Izvi zvinogona kuita kuti vanhu vasazosununguka
mumakore anotevera. Dzimwe nguva zviri kuratidza sokuti hurumende iri
kusunga zvine rusarura vanhu vanoonekwa noruzhinji sevane huori, vamwe
vachiregerwa nokutopiwa zvinzvimbo muHurumende.
Voruzhinji vomuZimbabwe vari kuratidza kusafara kuti shanduko yanga
yakatarisirwa haisi kuonekwa, zvikuru pakushaikwa kwamabasa
napakushaikwa kwemari munyika. Mari yedu iri kutengeswa
nokuchinjaniswa nemari yedzimwe nyika nomutengo wakasiyana siyana,
zvisiri pamutemo. Hapana zviri kumboitwa kumisa izvi. Izvi zviri kuita kuti
vashoma vasina mwoyo vapfume zvakanyanya.
Sarudzo: Kutanga Patsva
[3] Sarudzo inosungirwa neBumbiro redu Romutemo zvayakadai
kudaidzirwa, tinokunyorerai kuti tinyatsofunga pamwechete nemi kukosha
kwesarudzo iyi panguva ino yenhoroondo yenyika yedu. Kuvanhu
vomuZimbabwe, sarudzo yanga iri nguva yetarisiro huru nokufara kana kuti
nguva yokutya nokushatirwa, zvichiguma nokurasa mwoyo. Ichokwadi kuti
sarudzo pachayo haigoni kugadzirisa matambudziko edu ose. Asi sarudzo
ikatorwa sechimwe chinhano muurongwa hwokusandura zvinhu munyika,
inogona kuva nguva yokuti vanhu vose vazvipire kushandira nyika yavo
zvizere.
Tinotendera, uye tine chivimbo nokunamata kuti sarudzo iri kuuya musi
wa30 July 2018 ichava nguva yokuti tose tizvipire patsva. Sarudzo inoitwa
murusununguko nomuruenzaniso rwechokwadi ichatibatsira kuti
tidzokerezve pakutevedzera Bumbiro redu Romutemo, uye kuti 'zvido
zvavanhu' zvitsinhire zvakaitika muna November 2017.
Nokudaro vanhu vose vomuZimbabwe vanofanira kubvisa kutya nokurasa
mwoyo kwakakonzerwa nesarudzo dzakapfuura, vagadzirire zvakanaka uye
2